കരിവണ്ടിനോട്
കരിവണ്ടെ മുരളുന്നോ
കിരു കിര നുകരുന്നോ
മലരിണ്ടെ മധുവുണ്ടു
മദിച്ചിടുന്നോ
മൃദുലമാമിതളുകള്
മധുപേറും മുകുളങ്ങള്
പദങ്ങളാല് മെതിച്ചു നീ
വിഹരിക്കുമ്പോള്
വേദനിക്കുന്നില്ലേ പൂക്കള്
നാദശ്രുംഗാരാദികളാല്
നീയതിനെ പ്രേമപൂര്ണ
മാക്കുമെന്നാലും
ഇളംതെന്നല് വരും നേരം
ഇളകിയിളകിയാടും
തുരുതുരെ പരിമളം
വിതറുമെങ്ങും
അരികില് വന്നെത്തി മധു
നുകരുവാന് കരിവണ്ടെ
ആരു നിനക്കനുവാദം
തന്നു ചൊല്ലാമോ
അനുവാദം ചോദിക്കില്ല
അപവാദം പറയില്ല
അനുരാഗമാണല്ലോ നിന്
ദിവ്യ സമ്പത്ത്
മനോഹരമായ പുഷ്പ
ലാളനകളേട്ടിടുവാന്
മ്മനോഗുനമുള്ളവര്ക്കേ
സാധ്യമായിടൂ
Tuesday, January 26, 2010
Subscribe to:
Post Comments (Atom)
No comments:
Post a Comment