കാഴ്ചയുള്ള കുരുടന്.
----------------------
ഇവനീവഴിവക്കിലിഴയും പാവംപിച്ച
ക്കവനിന്നാരോടെല്ലാം തെണ്ടിടുന്നഹോതേങ്ങി
ആരെയുംകണ്ടില്ലൊച്ചകേട്ടുതന് തിങ്ങുംകണ്ണാല്
നേരിയസ്വരൂപങ്ങളായവന് വരച്ചുള്ളില്
അന്ധനായൊരുപാവംയാച്ചകനിവനൂഴീ
ലെന്തിരിക്കുന്നുവ്യഥ തന്കഥയല്ലാതിന്നും
ബന്ധുവാംജഗദീശനുള്ളിലെച്ചുക്കാന്പിടി
ച്ചന്ധതമാറ്റിചൊവ്വേ തന്രഥംതെളിച്ചീടൂ
കണ്ണുകള്പുറത്തുരണ്ടില്ലായ്കയാലിന്നിവ
നുള്ളിലെക്കണ്ണാല്കാണാമൊക്കെയുംവെടിപ്പായി
മണ്ണിലീപ്രപഞ്ചത്തിന് മായകള്ക്കതീതമാ
യുള്ളപോലഖിലവുമുള്ളിലെക്കണ്ണാല്കാണ്മൂ
തൃപ്തിയില്ലകണ്ടിട്ടുംകണ്ണുകളുള്ളോര്ക്കൊട്ടും
വ്യക്തമല്ലരൂപങ്ങള് കണ്മുന്നില്നിന്നെന്നാലും
സൃഷ്ടാവാമീശന് തന്റെഭാവമില്ലല്ലോ സമ
സൃഷ്ടരില്കണ്ടീടുവാന്ദൈവത്തിന്വിലാസങ്ങള്
ഇല്ലിവനില്ലാപകയാതോരുത്തരോടും ത
ന്നല്ലലിന്കഥയല്ലാതില്ല ചൊല്ലുവാനൊന്നും
സര്വരും മാനുഷ്യരെന്നുള്ളസൌഹൃദമല്ലാ
തുര്വിയിലിവന്നില്ല ഗര്വവുമഹന്തയും
ഒന്നിലുംപ്രശംസിക്കുന്നില്ലവനൊരിക്കലും
തന്നിലുംവലിയവരാണിവനെല്ലാവരും
തന്നെയുമാവരെയുംസൃഷ്ടിച്ചദൈവത്തിന്റെ
സന്നിധിനിരന്തരംതന്നകക്കണ്ണാല്കാണ്മൂ
ഒന്നിവനോര്ത്തീടുമ്പോളുണ്ടു നല്ലാശ്വാസംകേള്
ക്കുന്നിവനാരോചൊല്ലുന്നന്തരംഗത്തില് സദാ
നിന്ദ്യമാംനരകത്തില്രണ്ടുകകണ്ണുള്ളോനെക്കാള്
കാമ്യമേകടപ്പതങ്ങന്ധനായ് നാകംതന്നില്
ഏറുമുന്മാദത്തോടു ഗര്വിയാമൊരുവമ്പന്
സാറുപോയപ്പോള്തന്നെ കണ്ടുകണ്ടില്ലെന്നോണം
ഏറെനാള്കൊണ്ടേകഷ്ടിച്ചഷ്ടിയുംകഴിക്കാതെ
കീറമുണ്ടുമായ്പ്പോയി പിന്നെമറ്റൊരുരൂപം
കണ്ടവന്കനിവാര്ന്നിട്ടിട്ടു രണ്ടുചില്ലിക്കാ
ശുണ്ടവനനുകമ്പയുള്ളിലങ്ങെല്ലായ്പ്പോഴും
പാവമോപണക്കരനാരുമാകട്ടെ നന്മ
യേവമങ്ങുണ്ടാകട്ടെയെന്നവന് കനിഞ്ഞോതി
നോക്കിനിന്നപ്പോള്നിസ്വനായഞാനെന്തെന്നില്ലാ
തോര്ക്കയായിരുന്നിവനെന്തിതുഭവിച്ചീടാന്
ഖേദമാണെനിക്കുള്ളിലെന്തിനിയപരാധ
ബോധമാണെനിങ്കകക്കാംപിലോര്ക്കുംപോഴെല്ലാം
കണ്ണുകള്കൊണ്ടുകാണേണ്ടുന്നത് കണ്ടീടാതെ
മന്നിതിന്മനോഹരരൂപങ്ങള് ദര്ശിക്കുംപോള്
എന്മാനോരധംതെളിചീടുക സത്യാത്മാവേ
ചിന്മയനാംനിന്രൂപംകണ്ടുകണ്ടാനണ്ടിപ്പാന്!.
ചാക്കോ ഇട്ടിച്ചെറിയ,ആയൂര്
ചിക്കാഗോ
Monday, December 5, 2011
Subscribe to:
Post Comments (Atom)
No comments:
Post a Comment