രണ്ടാംവരവു സൂക്ഷിക്കുക
-------------------------
പണ്ടു രണ്ടായിരമാണ്ടുകള്ക്കപ്പുറ
ത്തിണ്ടലകറ്റുവാനീയുലകില്
വന്നമഹാദിവ്യനേശുവേയങ്ങയെ
അന്നുമരക്കുരിശേറ്റിയില്ലേ ?
രണ്ടാമതുള്ള വരവെപ്പൊഴാണേലും
വീണ്ടുമമളി പറ്റിടരുതേ
ഇന്നുമിവിടെ ജനാധിപത്യംതന്നെ
നന്നയിയോര്മ്മിച്ചുകൊള്ളേണമെ
ഭൂമിയിലിന്നുള്ള മര്ത്യഗണങ്ങള്ക്കു
ഭൂരിപക്ഷം ലഭിച്ചീടുമെങ്കില്
സംഗതിയാകെ കുഴപ്പത്തിലായിടും
ഭംഗിവാക്കൊന്നും ഫലിക്കയില്ല
കാലുമാറ്റം വലുതായൊരുതന്ത്രമാ
ണിന്നിവിടെന്നതുമോര്മ്മ വേണം
ആയതാലുണ്ടെന്നുതോന്നുന്ന ധാരാള
മാളുകള്കാലുമാറീടും കേട്ടോ
നന്നായിനീയതറിഞ്ഞു മരിച്ചതാ
മെല്ലാവരേയുമുയര്പ്പിക്കുമെ
ന്നുണ്ടെങ്കില്മാത്ര മിവിടേയ്ക്കുവന്നിടു
അല്ലാതെകിട്ടില്ല ഭൂരിപക്ഷം
ഇനിയുമെന്തേലുമമളി പിണഞ്ഞെന്നാ
ലെന്തുപറഞ്ഞീടും ലോകരോടു
തന്നെയുമല്ലിനി വല്ലോംപറഞ്ഞാലു
മെന്തുഫലമാരു വിശ്വസിക്കും
ഇങ്ങനെകാലങ്ങളെത്ര പോയെന്നാലു
മന്നുമൊരുനല്ല പങ്കാളുകള്
വീണ്ടുംവരുമെന്നുവിശ്വസിച്ചാശയാല്
കാത്തിരുന്നീടുമതെത്രകാമ്യം!.
ചാക്കോ ഇട്ടിച്ചെറിയ, ആയൂര്
Monday, December 5, 2011
Subscribe to:
Post Comments (Atom)
No comments:
Post a Comment