പറയുംമുന്പു
-----------------
വായില്‍നിന്നൊരു വാക്ക്
പറയാന്‍ തുനിവോരേ
വായടച്ചാലോചിക്കൂ
പറയുംമുന്പായ് നിങ്ങള്‍
ചോദിക്കൂ സ്വയം മൂന്നു
ചോദ്യങ്ങള്‍ നിങ്ങള്‍ അതി
ന്നുത്തരം ഉവ്വാണെങ്കില്‍
ചൊല്ലിടാന്‍ ധൈര്യപ്പെടൂ
ശരിയെന്നുറപ്പുണ്ടോ
നിങ്ങള്‍ ചൊല്ലീടും കാര്യം
ശരിയെന്നിരിക്കിലോ
വീണ്ടുമാലോചിച്ചിടൂ
ചൊല്ലുന്ന കാര്യം കൊണ്ടു
നിങ്ങള്‍ക്കോ കേള്‍ക്കുന്നോര്‍ക്കോ
വല്ലതും പ്രയോജനം
വന്നുകൂടുവാനുണ്ടോ
ഉണ്ടെങ്കിലവസാന
മായൊരു ചോദ്യം കൂടി
ചോല്ലുന്നതെന്തേ നല്ല
വാര്‍ത്തയോ ആകാത്തതോ
ഉത്തരം എല്ലാറ്റിനും
ഉവ്വെങ്കില്‍ ചൊല്ലിക്കോളൂ
നന്മയായ് ഭവിക്കട്ടെ
നിങ്ങള്‍ക്കും മറ്റുള്ളോര്‍ക്കും
അല്ലതിന്‍ മറുപാടായ്
ചെയ്തെന്നാലതിന്‍ ഫലം
നന്മയാകില്ലാ നിങ്ങള്‍
ശപിക്കപ്പെട്ടോര്‍ ദൃഡം.
No comments:
Post a Comment