ജീവിതം ജീവിക്കുവാനല്ലെങ്കില് പിന്നെന്തിനായ്
ജീവിക്കാനറിയാത്തോന് മോങ്ങുന്നു നിരന്തരം
ജീവിതമെന്തെന്നൊന്നു ചിന്തിക്കാനറിയാത്തോന്
ജീവനില് കലര്ത്തുന്നു വിഷബീജങ്ങളൊക്കെയും
അറിവിന് വാതായന മടഞ്ഞേ കിടക്കുന്നു
അതിനെ തിരസ്കരിച്ചന്ന്യമായ് മുടിയന്മാര്
അടയാത്ത വാതില് തന്നകമേ പൂകീടുന്നു
അവിടെത്തീരുന്നെല്ലാ മൂല്യവും നൈര്മല്യവും
ലജ്ജയായതില് മാനം കണ്ടെത്തി ജീവിക്കുന്നു
സജ്ജന സമ്പര്ക്കത്തിന്നില്ല താല്പ്പര്യം തീരെ
അര്ജ്ജിച്ചതില്ലല്ലൊ യാതൊന്നുമേ വെറുംകയ്യാല്
കാര്ന്നെടുത്തല്ലാതൊന്നും നല്കുവാന് കഴിഞ്ഞില്ല
അറിവിന്റെ ലോകത്തേ അറിയൂ ആശ്ലേഷിക്കൂ
അതിനാലുളവാകും ജീവിത സാഫല്യങ്ങള്
ജീവിതം ജീവിക്കുവാനാണതു സമൃദ്ധമായ്
ജീവിക്കാന് സര്വേശ്വര സന്നിധി മാത്രം സഖേ
Sunday, September 28, 2008
Subscribe to:
Post Comments (Atom)
No comments:
Post a Comment