പ്രായം പതിനേഴിലെത്തി നില്‍ക്കും
പ്രാവിന്‍ പരിശുദ്ധിയേന്തി നില്‍ക്കും
പ്രിയേ പ്രണയത്തരുക്കള്‍ നീളെ
പ്രേമോജ്ജ്വലം നീ പറന്നു നീങ്ങും
കണ്ടാല്‍ കൊതിക്കുന്ന കാലമല്ലോ
കാണാതിരിക്കില്ല യാതൊരുത്തര്‍
കണ്‍കോണിണകളാല്‍ കാണ്മതെല്ലാം
കാര്‍വേണി സ്വന്തമായ്‌ തീര്‍ക്കുമല്ലോ
അല്ലാ മരീചിക ന്രുത്തമാടും
ചില്ലീയുഗങ്ങളിളകിയാടും
ഫുല്ലാബ്ജമല്ലയോ നിന്നിലാകെ
മല്ലാക്ഷിയാളേ തെളിഞ്ഞു കാണ്മൂ
നിന്‍പാദ താരുകള്‍ നീട്ടിവയ്ക്കും
നീളെ നീ നീങ്ങുമിടത്തിലെല്ലാം
നിര്‍വൃതി തന്‍ നീണ്ട നിശ്വാസങ്ങള്‍
നിര്‍മ്മലേ നിന്നെ പുണരുമല്ലോ!
ആകാര കാന്തിയങ്ങാളി നില്‍ക്കും
അംഗനേ നിന്നംഗഭംഗി കണ്ടാല്‍
ഭംഗം വരുമേതു മാനവന്നും
ഇംഗിതത്തിന്നില്ല മാറ്റമേതും!
മാമുനിയാട്ടെ മാന്‍പേടയാട്ടെ
മാനവജാതിയിലാരുമാട്ടെ
മയിലാട്ടെ,കുയിലാട്ടെ,മാരനാട്ടെ
മിഴിയുള്ളവര്‍ നട്ടു നിന്നുപോകും
വിശ്വം മുഴുവന്‍ വിളങ്ങി നില്‍ക്കും
വശ്യവൈചിത്ര്യം വഴിഞ്ഞു നില്‍കും
വിസ്മയം കൂറിടു മേതൊരാളും
വിശ്വൈക ശില്‍പി തന്‍ വൈഭവത്തില്‍!
നിന്‍ കാല്‍ച്ചിലമ്പോലി തൊട്ടുണര്‍ത്തൂ
നിദ്രയിലാണ്ട താപസ്സനെയും
നിന്‍ കുളിരേറ്റു തരിച്ചു നില്‍പൂ
നിത്യം ലഹരിയില്‍ മുങ്ങി വിശ്വം!
1 comment:
Post a Comment