കള്ളനും പറുദീസ
ഉള്ളം കലങ്ങിയുദ്ഭുദ്ധരായിന്നോള
മുള്ള ജനസഞ്ചയങ്ങളേ കാണുവിന്‍
വെള്ളിമെഘങ്ങളേ കീറിമുറിക്കുമാ
റുള്ള കുരിശുകള്‍ കാല്‍ വറി മേടതില്‍
പള്ളികളല്ല പെരുംകള്ളരൊക്കെയും
പള്ളികൊള്ളുന്നതവിടെയെന്നോര്‍ക്കണം
കള്ളനല്ലാത്തൊരുവന്മൂലമിന്നിതു
പള്ളികള്‍ക്കൊക്കെപ്പരസ്യമെന്നോര്‍ക്കണം
പ്രാണനാധന്‍ മശിഹാ മരക്രൂശതില്‍
പ്രാണന്‍ പിടഞ്ഞു മരിക്കുന്ന വേളയില്‍
പ്രാണേശ്വരാ വിളികേട്ടവനുഛത്തി
ലാണവന്‍ കള്ളന്‍ വലത്തുനിന്നക്ഷണം
കള്ളപ്പരിഷകള്‍ രണ്ടുവശത്തുമാ
യുള്ളവര്‍തങ്ങളില്‍ തര്‍ക്കം തുടങ്ങിനാര്‍
കള്ളത്തരംകൊണ്ടു കാലംകഴിഛവര്‍
ക്കുള്ള പ്രതിഫലം തങ്ങള്‍ക്കു ലഭ്യമായ്‌
കള്ളനവനിടത്തുള്ളവന്‍ വല്ലാത്ത
പുള്ളിയാണപ്പോഴുമന്ന്യായമാണവ
ന്നുള്ളില്‍കുടികൊണ്ടിരിക്കുന്നതാകയാല്‍
തള്ളിക്കളഞ്ഞവനാപ്പറുദീസയും
കള്ളന്‍ വലത്തുള്ളവന്‍ താനറിഞ്ഞഹോ
കള്ളനവനെന്നനുഭവിക്കുന്നതും
കള്ളന്നു ന്യായമായുള്ള ശിക്ഷാവിധി
യെള്ളോളമില്ലതിലന്ന്യായമെന്നതും
ഉള്ളമുരുകി വലത്തുള്ളവന്‍സാക്ഷാല്‍
കള്ളനായുള്ളവനോടു ചൊല്ലീടിനാന്‍
കള്ളരാണോന്നുപോല്‍ നമ്മള്‍ രണ്ടുംതര്‍ക്ക
മുള്ളതില്ലായവന്‍ നീതിമാനേതുമേ
ഉള്ളനേരംകോണ്ടനുതാപ ചിത്തനാ
യുള്ളില്‍നിന്നഞ്ചാറു വാക്കുഛരിഛവന്‍
കള്ളനാണന്നുള്ളപരാധബോധവു
മുള്ളീലുരുവായി തല്‍ക്ഷണം നില്‍കവേ
പള്ളിപ്രമാണികള്‍ക്കും പരദെയ്‌വത്തെ
യുള്ളിലൊതുക്കും പരീശര്‍ക്കുമൊന്നുപോല്‍
തള്ളിത്തുറക്കാനസ്സാധ്യമായന്നോള
മുള്ള പറുദീസ താനേതുറക്കയായ്‌
ഉള്ളം നുറുങ്ങിയപേക്ഷിഛവന്‍ യേശു
കള്ളനല്ലെന്‍പാപമെല്ലാം പോറുക്കണേ
പള്ളി ദേവാലയമെന്തെന്നറിയാത്ത
പുള്ളി പരുദീസ തീറെഴുതിഛുടന്‍
തള്ളിക്കളഞ്ഞു മനുഷ്യരെന്നാകിലും
തള്ളീയില്ലേശുവപ്പാവമാം കള്ളനെ
കള്ളനല്ലിന്നു നീ യെത്തും പറുദീസ
ക്കുള്ളിലെന്നോടോത്തു നിത്യം വസിഛിടും
കള്ളരാണീ മര്‍ത്യവര്‍ഘമെല്ലാം വെറും
കള്ളരെന്നെള്ളോളമോര്‍ക്കാത്ത കൂട്ടരും
പള്ളികള്‍ മോസ്കുകളമ്പലങ്ങള്‍ തിങ്ങി
കള്ളം പരഞ്ഞാലതു കള്ളമാകുമോ?
കള്ളരാക്കീടുന്നു നിത്യവും മര്‍ത്യരെ
കൊള്ള ചെയ്തീടുന്നനാദരെ നിര്‍ദയം
ഉള്ളില്‍ നിരന്തരം വാഴുന്ന നീയൊഴി
ഛുള്ളു കണ്ടീടുവതാരു ജഗദ്ഗുരോ!
പള്ളകള്‍ വീര്‍പ്പിഛനീതികള്‍ കാട്ടുവോര്‍
ക്കുള്ള പ്രതിഫലമല്ലാതെ വല്ലതും
എള്ളോളവും മാനസാന്തരമില്ലാത്ത
പള്ളിപ്രമാണിക്കുപോലും ലഭിക്കുമോ!
No comments:
Post a Comment